ஆனால் இஸ்லாம் இதற்கு நேரெதிராக, இந்த அகிலம் முழுவதும் கடவுளால் படைக்கப்பட்டது என்றும், அந்த கடவுள் இந்த அகிலத்திற்கு வெளியே ஒளியாய் இருக்கின்றான் என்றும், இந்த அகிலத்தில் இருப்பது எதுவுமே கடவுளும் இல்லை, மேலும் கடவுளை போன்றதும் இல்லை என்றும் தெளிவாக விளக்குகிறது.

அதாவது ஏழு வானங்களையும், பூமியையும் மற்றும் நட்சத்திர மண்டலங்களையும் உள்ளடக்கிய ஓர் பந்துபோன்ற அமைப்பைத்தான் நாம் அகிலம் என்று கூறுகிறோம். இந்த அகிலம் என்ற பந்து முழுவதிலும் கடவுள் ஒழிந்துகொண்டு இருக்கிறார் என்கிறது இந்துமதம். ஆனால் இந்த அகிலம் என்ற பந்துக்கு வெளியேயும் இடம் (space) இருக்கிறது, அதுபற்றி இந்துமதம் எதுவும் கூறவில்லை. ஆனால் இஸ்லாம் என்ன கூறுகிறது? இந்த அகிலம் என்ற பந்துக்கு வெளியே இருக்கின்ற இடத்தில் (space) மட்டுமே கடவுள் ஒளியாக இருப்பதாகவும், இந்த அகிலம் என்ற பந்துக்குள் இருப்பது எதுவுமே கடவுள் இல்லை என்றும், இவை அனைத்தும் கடவுளால் படைக்கப்பட்டவை என்றும் இஸ்லாம் கூறுகிறது. எந்த கூற்று சரி? இஸ்லாமா? இந்துமதமா?

ஒழிந்துகொண்டிருக்கும் கடவுளை ஒருக்காலும் பார்க்க முடியாது. எனவே அதற்கு பதிலாக கடவுளை மனிதனின் ரூபத்திலும் மிருகங்களின் ரூபத்திலும் காணலாம் என்கிறது இந்து மதம். ஆனால் இஸ்லாம் என்ன கூறுகிறது? இறைவன் மனிதனாகவோ அல்லது மிருகமாகவோ வரமாட்டார். மாறாக உண்மையான இறைவனை அவனது உண்மையான வடிவத்திலேயே அவன் மீது நம்பிக்கைகொண்ட நல்லடியார்கள் மட்டும் மறுமை நாளில் பார்க்கவும் பேசவும் முடியும் என்கிறது. அதுவே இன்பத்தில் உச்சகட்ட இன்பம் என்று இஸ்லாம் கூறுகிறது. எந்த கூற்று சரி? இஸ்லாமா? இந்துமதமா?.

கடவுளை வணங்குவது கட்டாயமில்லை, ஆனால் வணங்கினால் இந்த உலகில் சுகம் கிடைக்கும் என்று இந்து மதத்தில் நம்பப்படுகிறது. ஆனால் இஸ்லாம் என்ன கூறுகிறது? மனிதன் படைக்கப்பட்டதன் நோக்கமே கடவுளை வணங்குவதற்காக மட்டும்தான். எனவே கடவுளை வணங்குவது கட்டாயம் என்றும், இஸ்லாம்கூறும் அந்த உண்மையான கடவுளை வணங்கினால் மனிதன் சுவர்க்கம் செல்லலாம் என்றும், மாறாக பொய்யான கடவுளை வணங்கினாலோ அல்லது அந்த உண்மையான கடவுளை வணங்க மறுத்தாலோ, மனிதன் நரகம் செல்ல நேரிடும் என்றும் சுவர்க்கமும் நரகமும் நிரந்தரம் என்றும் இஸ்லாம் கூறுகிறது. எந்த கூற்று சரி? இஸ்லாமா? இந்துமதமா?

கடவுள் மனிதனாகவும் மிருகமாகவும் காற்றாகவும் மண்ணாகவும் அனைத்துமாக இருப்பதோடு கடவுளுக்கு பிறப்பும் இருக்கிறது, பெற்றோர்களும் பிள்ளைகளும் குடும்பமும் இருக்கிறது, உணவு போன்ற தேவைகளும் இருக்கிறது, பசி, களைப்பு, உறக்கம் போன்ற பலகீனங்களும் இருக்கிறது என்கிறது இந்து மதம். ஆனால் இஸ்லாம் என்ன கூறுகிறது? கடவுள் தன்னைபோன்ற எதையுமே கடவுளாக படைக்கவில்லை என்றும், தோற்றத்தில் மனிதனைப்போன்றோ, மிருகங்களைப்போன்றோ அல்லது எந்தவொன்றையும்போன்றோ அல்லாமல், தனித்துவமான தோற்றத்தில், மிகப்பெரும் ஏகனாக, பசியும் களைப்பும் ஓய்வும் உறக்கமும் அற்ற, உணவுபோன்ற எந்தவித தேவையுமற்ற, ஆதியும் அந்தமுமாக, நித்தியஜீவனாக, சர்வவல்லமைகொண்ட அழிவில்லாத மாபெரும் தூய ஒளியாக கடவுள் இருப்பதாக இஸ்லாம் கூறுகிறது. எந்த கூற்று சரி? இஸ்லாமா? இந்துமதமா?.